懶得花時間打書面語,看不懂的人就直接無視吧
文字過長,不想理會也直接無視吧
我不發洩我怕會撐不住
一個父親節,父親唔開心不特止
仲要連食餐飯都搞到個個黑口黑面,人又到唔齊
到左D人又重火藥味
===============================
星期二,我老豆既阿媽(即我阿嫲)先過世無耐..
琴日星期六,約好晒我+3個家姐一齊各自去大埔(3個都嫁左人)
問題發生係呢到,我2家姐掛住玩夢之傳說,成日唔煮飯唔出街,打比佢都幾乎唔聽
佢有個仔...成日都唔理佢掛住打機(打機>訓教>重複...)描述簡略]]]]
約佢果陣佢話好累唔想出,我就話我地就你一個人早食飯食完就返去
(問題係佢唔駛返工...何來會累...大家姐大肚都仲要返工都未叫累)
結果都說服都佢出...(因為就佢一個提早食飯)
結果到今日我同我大家姐+姐夫去左行下街(大家姐懷孕ING)
點知到差唔多4點搵地方去食下野果陣發現2家姐打過比我地,但我地冇聽
打返比佢,佢就話佢打比我地,冇人聽,所以返左屋企,唔出黎食飯啦(大佬,父親節,一日姐,冇人聽都可以行住街等掛!?)
結果我大家姐火藥味就以經升高30%(加上成日打比佢唔聽,大家姐都幾乎憎恨佢咁制)
結果剩返我+大家姐+姐夫+3家姐+3姐夫(?)+老豆
約定時間未到,因為原本係就2家姐早食飯,所以早左出門口,當時先差唔多5點
老豆屋企因為阿嫲未過頭七,神台搵野姐住左(原因不解釋)
因為姐住左所以其他野都會走到入去,我地就驚上去會有事
所以我同大家姐+姐夫係咁四處行(大肚婆,易發嬲好正常,加上又熱)
四處行之中打左比3家姐話約係大埔中心等,點知行到去搵到3家姐
3家姐(+3姐夫)就話要去某地方餵阿B奶,自己走左去(我家姐情緒就爆咁制)
咁辛苦行到過黎搵到佢,但佢自己又走左去,做咩老點人過黎呢...
結果最終頂到7點(大家姐情緒一直唔穩定,我+姐夫不停呵返佢先搞得掂- -)
之後因為父親節關係街市D叫做唔知咩(大埔新街市)滿晒人,勁多人等位)
其他街果D都全部滿人(當時7點左右,3家姐未到)
我地(大家姐+姐夫+老豆)就離開街市去搵下邊到有位
我老豆就叫3家姐留係公園到等
之後3家姐就打比大家姐話阿B係公園會熱架(語氣有D火藥味)
我大家姐可能因為有BB關係情緒爆發啦...開始唔出聲比左部電話我講
結果我就叫3家姐走埋過黎先再算...
佢過到黎,之後因為大家都諗唔到邊到食好,我老豆就提議去食粉麵算,下次先再食返飯
結果去啦,但係坐底我同大家姐+姐夫+老豆都叫左野食
但係3家姐+3姐夫未叫,話遲一陣先
之後3姐夫就走左出去...唔知做咩
結果我地3個食完(因為大家姐同3家姐以經全程黑口黑面,所以大家姐叫咗之後都冇食到...)
3家姐先打電話比3姐夫佢對電話講"唔駛搵啦,佢地食完啦"
之後老豆見大家姐冇食野就叫我同大家姐+姐夫走先(大家姐話唔好啦,等埋佢地唔緊要,但係老豆係咁叫走)
冇可奈何,我地3個就唯有走....
一個父親節點解可以搞成咁,阿嫲仲要走左冇耐...
老豆唔開心不特止,仲連餐飯都食得唔安樂...唉
我都唔知點搞...關係可以差到咁
。。。未训啊？
?